Зачленете се во нашиот клуб на читатели и најновите текстови ќе ги добивате на вашата мејл адреса
На Градскиот плоштад во Куманово, денеска се одржува продажен базар на рачни ракотворби и храна, изработени од жените вклучени во проектот „Вмрежување за успех“ што го реализираат невладините организации СОЖМ и „Отворена порта“ од Косово.
На петнаесетина штандови изложена е најразновидна храна, специјалитети од тесто, пити, кифли, домашни колачи и други слатки, потоа производи од кожа, рачна изработка на ткаенина и плетенина, народни носии, украси и грнчарски производи.
Една од активностите е да ги прикажаме производите што ги изработуваат жените учеснички на работилниците. Ова е првиот панаѓур, а ќе има уште два кои ќе се одржат во Скопје и Приштина. Средствата што ќе бидат соберени од продажбата ќе се вложат во купување на матерјали за работа. Се надевам дека она што го зацртавме ќе го оствариме, од овие млади жени барем десетина ќе се одлучат да бидат претприемачи и ќе започнат свој бизнис, - изјави Тања Крстевска, локалне координатор на проектот.
Проектот предвидува преработка на кожа,ткаење и шиење. Целта на проектот е да се анимираат што повеќе млади и жени да се занимаваат со веќе заборавените занаети на рачна изработка, за да се негува културното нематерјално наследство.
Зачленете се во нашиот клуб на читатели и најновите текстови ќе ги добивате на вашата мејл адреса
