Зачленете се во нашиот клуб на читатели и најновите текстови ќе ги добивате на вашата мејл адреса
Министерството за економија го пролонгира рокот за увоз на половни, патнички, товарни возила и автобуси по стандардот Еуро 1 до 30 септември.
“До 30 септември треба да се завршат и потребните постапки за пререгистрација на сите возила со странски таблички во Република Македонија, што претпоставува до тој рок возилото да е оцаринето и да е започната постапката за хомологација, со поднесено комплетно барање до телата овластени за вршење хомологација, заедно со царинската декларација при увозот на возилото и потврдата за техничките карактеристики на конкретното возило. Од 1 октомври започнува да важи новото правило за задолжително поседување на ЕУРО 2 стандардите, како услов за легализирање на возилото, и тоа во наредните 6 години, а потоа ЕУРО 3 стандардите“, се вели во информацијата од Економија.
Инаку, рокот за увоз на возила со Еуро 1 истекуваше денеска.
Според податоците од Царинската управа, до сега во Македонија процедурата за царинење на возила со странски регистарски таблички ја завршиле околу 31 000 возила.