Зачленете се во нашиот клуб на читатели и најновите текстови ќе ги добивате на вашата мејл адреса
Во Општата болница-Куманово денеска ќе биде промовиран новоизградениот Ургентен центар кој наскоро ќе биде пуштен во употреба.
На промоцијата на Ургентниот центар предвидено е да присуствуваат министерот за здравство Венко Филипче, директорката на Општата болница Куманово Снежана Захариева и градоначалникот на општина Куманово Максим Димитриевски.
Во новиот Ургентен центар ќе бидат сместени итната хируршка амбуланта, ортопедска, анестезиолошка амбуланта, компјутерска томографија и ЕХО дијагностика. Од оваа инвестиција придобивка ќе имаат над 30.000 пациенти кои на годишно ниво гравитираат во Ургентниот центар, со посебен акцент на хирургија, урологија и ортопедија.