Зачленете се во нашиот клуб на читатели и најновите текстови ќе ги добивате на вашата мејл адреса
Првото бебе што се роди во Новата 2010 година во Куманово е машко. Се родило во 01.05 минути по полноќ, а тешко е 3 килограми и 600 грама, долго е 50 сантиметри.
Среќната мајка е Габриела Јордановска (27) на која ова и е второ дете.
Прекрасно се чуствувам. Бебето се уште нема име и чекаме на кумовите - рече мајката.
Градоначалникот Зоран Дамјановски ја посети мајката и новороденчето и им однесе новогодишни подароци.
Со златник му посакавме добредојде на најмладиот сограѓанин, а за мајката цвеќе. Сакаме да го одбележиме овој свечен момент за нивното семејство, но и за нашиот град. Ако се верува по обичаите годината ни почнува машки - рече Дамјановски.
Дежурната екипа на гинеколошкото одделение од кумановската болница вели дека новогодишната вечер поминала нормално.Во текот на новогодишноата ноќ се родило уште едно бебе, исто така машко.