Зачленете се во нашиот клуб на читатели и најновите текстови ќе ги добивате на вашата мејл адреса
Бранко Петровски (37) од с.Мартиница, кој пред два дена во Крива Паланка ја убил поранешна невенчана сопруга Сaњa Јовановска (25) од селото Борово, во Основниот суд во Куманово го признал делото.
Во судот тврдел дека не се сеќава на моментот кога пукал од пиштолот, а станал свесен за својата постапка неколку минути по убиството. Причина за убиството биле заканите што ги добивал од Сања и нејзиниот пријател од Струга, дека ќе го убијат ако не им дозволи да ги земе децата. Тие за старателството на децата се скарале додека уште биле во Центарот за социјални работи, а расправијата ја продолжиле надвор, кога тој се изнервирал и посегнал по оружјето.
Петковски изјавил дека двапати пријавувал во полиција во Крива Паланка дека добива закани од поранешната невенчана жена и нејзините пријатели.
Сања, пред две години го напуштила Бранко и заминала да живее и работи во Струга. Критичниот ден дошла во градот за да ги земе децата, кои биле сместени во згрижувачко семејство, бидејќи Бранко е невработен. Тој не и дозволувал да ги одведе децата и барал Сања да му се врати и да продолжат да живеат заедно.