Зачленете се во нашиот клуб на читатели и најновите текстови ќе ги добивате на вашата мејл адреса
Основниот суд Скопје побара од МВР да издаде потерница по екс премиерот Никола Груевски, откако неколку дена не можеше да го најде и да му врачи решение сам да се упати во затвор.
„Ве известуваме дека Основниот суд Скопје 1 издаде наредба за приведување на лицето за кое прашувате и на 12.11.2018 во 16.30 часот ја достави до СВР Скопје и побара издавање на потерница. Министерството за внатрешни работи веднаш откако му беше доставена, постапува по наредбата“ се вели во соопштението.
Груевски требаше во петокот доброволно да се јави на издржување на двегодишната затворска казна за незаконската набавка на луксузниот мерцедес од парите на МВР, која се случила откако побарал од сега осудената Гордана Јанкулоска да се набави за него токму мерцедес С-гард, иако, имало и поевтини блиндирани возила од други марки, стои во пресудата од Основниот суд Скопје 1, потврдена од Апелација.