×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Расте бројот на сообраќајни несреќи поради неодговорно однесување на учесниците во сообраќајот

    13.09.2019 09:09 | KumanovoNews

    Републичкиот совет за безбедност на сообраќајот на патиштата (РСБСП), апелира секој учесник во сообраќајот да преземе поголема лична одговорност и целосно и безусловно да ги почитува сообраќајните правила и прописи.

    Расте бројот на сообраќајни несреќи поради неодговорно однесување на учесниците во сообраќајот

    „Максимално почитување на поставената сообраќајна сигнализација е обврска на секој учесник во сообраќајот без разлика дали станува збор за  пешак, велосипедист, мотоциклист, или возач. Да продолжиме да ја градиме и да ја менуваме сообраќајната култура, почнувајки секој од себе, преку личен пример и позитивен придонес, за помалу  жртви и поголема безбедност на улиците и патиштата“, - соопштуваат од РСБСП.

    Примери на секојдневната сообраќајна негрижа се возачи кои достигнуваат преголеми и неразумни брзини во или надвор од населеното место, пијаните возачи, патниците кои не користат безбедносен појас, неправилно паркирани возила, мотоциклистите без заштита, велосипедистите без осветлување и пешаците коишто се движат надвор од тротоарот. Последиците  ги трпат сите учесници во сообраќајот, а цената за нивната негрижа се изгубени човечки животи.

    „Она што дополнително загрижува, е фактот што учесниците во сообраќајот во голем дел не се ни свесни за грешките и пропустите кои секојдневно ги прават во сообраќајот и на тој начин одредени опасни појави преминуваат во секојдневна лоша навика која често значи и причина за изгубен човечки живот“,- соопштуваат од Републичкиот совет за безбедност на сообраќајот на патиштата.

     Во Македонија, годишно во просек околу 160 лица го губат својот живот во сообраќајна несреќа, а околу 6000 се тешко повредени. Во 2018 година 133 лица го загубиле својот живот во сообраќајна несреќа, а дури 5.860 биле тешко повредени.