12. 06. 2018 12:05

Република Северна Македонија?

Република Северна Македонија?

Република Северна Македонија е решението за спорот за името кое го договориле премиерите на Македонија и Грција, Зоран Заев и Алексис Ципрас во текот на едночасовниот разговор вчера, јавуваат грчките медиуми.

Според истите извори решението содржи предлог Република Северна Македонија со превод на англиски, за севкупна употреба, како и македонски јазик со превод на англиски јазик.


Македонскиот јазик е признат, со забелешка дека Северна Македонија признава во договорот дека јазикот е со словенско потекло. За националноста, ќе стои терминот „македонска/граѓанин на Република Северна Македонија“, исто така, со забелешка дека граѓаните на земјата не се поврзани со античка Македонија.

За денеска е закажан нов телефонски разговор помеѓу премиерите Заев и Ципрас по кој веројатно ќе биде појасно дали и колку Македонија и Грција се блиску до историски договор околу деценискиот спор за името.