Ретроспективно-монографска изложба на уметникот Реџаи Исени

Ова изложба се спроведува со цел да се прикаже, пред јавноста, творештвото на Исени, кое е со големи естески вредности и да го заземе заслуженото место и улога во тековите на нашата современа уметност.

Реџаи Исени е роден 1939 година во с. Матејче и целиот живот го поминал во родното село се` до смртта во 2018 година. Завршил Учителска школа во 1958 година, а Педагошка академија 1965 во Скопје во класата на Вангел Коџоман. Неговото творештво од крајот на шеесеттите години припаѓа на кубизмот, а тој е од нашите сосема ретки автори кои негуваат варијации на овој израз.

За творечкиот опус на авторот Националната галерија на Македонија (каде што во септември беше поставена истата изложба) објави и монографија со текст од историчарот на уметност и сликар Гоце Божурски, кој го има истражувано опусот на Реџаи.