Зачленете се во нашиот клуб на читатели и најновите текстови ќе ги добивате на вашата мејл адреса
Членови на Ротари клубот Куманово, утре (сабота) ќе спроведат еколошка акција за чистење на булеварот „Октомвриска револуција“.
Акцијата за собирање и селекција на отпад ќе започена во 10.30 часот, а се организира во соработка со „Пакомак“ и ќе се одвива паралелно во 13 градови во земјава, во кои има Ротари клубови.
Акцијата под мотото „Ракавици, кеса, селекција – сите во екоација!“ е замислена да го одбележи првиот Ротари ден во Македонија. Главната цел на ротаријанците е да се подигне свеста за чиста околина, селекција на отпадот и значењето да се има чист град, како и дружба на членовите на клубот меѓусебе и со сите активни граѓани кои ќе се вклучат на акцијата.
Еко-акцијата ќе се одвива паралелно во: Куманово, Скопје, Велес, Кочани, Виница, Тетово, Неготино, Штип, Прилеп, Кавадарци, Св. Николе, Битола и Охрид.
Ротари клубовите од цела Македонија ги покануваат граѓаните во споменатите градови да се приклучат на екоакцијата и со овој мал чекор, заедно, преку дружење да овозможат почиста средина за живеење.