Зачленете се во нашиот клуб на читатели и најновите текстови ќе ги добивате на вашата мејл адреса
Од општинската организација на СДСМ Куманово, денеска на прес-конференција ги презентираа мерките, кои општината и државата ги преземаат за намалување на загадениот воздух во градот.
Како најзначајни беа посочени мерките за гасификација на Општата болница во Куманово, како и за субвенционирање на граѓаните за гасификација на домаќинствата.
„Се врши аеросоларизација на воздухот во централното градско подрачје каде концентрацијата на ПМ10 честички е најголема, со што директно брзо и едноставно се влијае на зголемувањето на квалитетот на воздухот. Исто така, градоначалникот и Општината Куманово, заедно со ЈП „Чистота и зеленило“ засадија и над 100 дрвца на локација на ул. „Октомвриска револуција“,кај Mај Макет и речното корито, како и пред автобуска станица и „Уред“, а во наредниот период следуваат уште еко-акции за разеленување и прочистување на градот. Оваа година засадени се околу 8.000 зимзелени и листопадни садници на различни локации на подрачјето на Општина Куманово, а до крајот на годината се предвидува да се засадат уше 800“, - изјави на прес-конференцијата Катерина Пешиќ Бошковска, портпарол на ОО СДСМ Куманово.
Таа додаде дека од страна на Општината ќе биде ангажирано и независно правно лице за следење на аерозагадувањето на повеќе локации во градот и со тоа ќе се детектираат најголемите причинители на загадувањето на воздухот, со цел да се спречи енормното загадување, а Владата донесе одлука и Општина Куманово да биде вклучена во субвенционирање за инвертер клими.
Зачленете се во нашиот клуб на читатели и најновите текстови ќе ги добивате на вашата мејл адреса
