СДСМ: ВМРО-ДПМНЕ е во паника

Во секоја нормална држава опозицијата ја критикува и напаѓа владеачката гарнитура,но во Македонија со Груевски на власт се е наопаку, па оние што тераат петта година на власт во паника прават прес-конференции полни со омраза и лепат плакати ширум Македонија небаре сме во предизборен период.Господа од власта, безидејноста на ВМРО-ДПМНЕ  е повеќе од очигледна,а стравот од Бранко Црвенковски се претвора во паника. Во паника сте по нашите митинзи на кои народот покажа дека не се плаши да го покаже незадоволството од Вас, бидејќи пета година како Македонија се дави во безработица, сиромаштија и корупција. Деновиве Куманово како и другите градови во Македонија осамна облепено со плакати против Бранко Црвенковски. Некои кутри луѓе си го уништиле викендот лепејќи плакати цели ноќи и сеуште не застануваат. Ова само го потврдува очајот на ВМРО-ДПМНЕ. Изразуваме задоволство од реакцијата на граѓаните кои во знак на револт го отстрануваат плакатите и прашуваат за што ВМРО и Груевски ги трошат нашите пари. Ова само го потврдува фактот дека СДСМ е на вистински пат. Реалноста неможе да се смени. Ние ќе ги насочиме кон нешто покорисно, бидејќи на народот му е здодеано од партиски преписки и меѓусебни обвинувања. Потребни се решенија за излез од оваа состојба. Вие господи од власта знаете дека Бранко Црвенковски е тука со народот и со СДСМ и сите заедно сме подготвено да ја поразиме оваа ненародна власт -рече претседателката Снежана Захариева на денешната прес-конференција.