Зачленете се во нашиот клуб на читатели и најновите текстови ќе ги добивате на вашата мејл адреса
Екипи од ЈП „Чистота и Зеленило“ денеска ги кроеа дрвајата во дворот на училиштето „11 Oктомври“. Акцијата беше спроведена на иницијатива на училиштето, поради опасност од паѓање на дрвјата.
Пред извесно време, падна едно од дрвјата, но за среќа не беше повредено некое од децата. Кандаската топола расте високо и има корени до површината на земјата, така што може да изненади. Откако увидовме дека е можно некоја од нив да падне го известивме јавното претпријате, чија стручна екипа го изврши поткројувањето. За оваа активност ги известивме и екипите од ЕВН -ЕСМ, затоа што имаше заплетакани гранки во жиците по спроведување на струјата за проектот-компјутеризација на училиштата - информира директорот Круме Младеновски.
Инаку во периодот што следува во училиштето ќе се реализираат неколку акции за пошумување на школските дворови со зимзелени садници, а ќе бидат засадено и пролетно цвеќе.
Училиштето „11 Октомври“ заедно со подрачните училишта брои околу 700-тини ученици.