Седница на ЗЕЛС во Пелинце

 Од вкупно 85 општини, 11 општини не се влезени во втората фаза. Причините се различни во зависност од региот на кој припаѓаат. Едни од проблемите се блокираните сметки и бројот на вработените во Секторот за финансирање и буџетот и даночните одделенија. Секоја општина треба да има тројца вработени во Секторот за финасирање и двајца за собирање на даноци. Помалите општини немаат потреба, ниту можат да го издржат тој товар. ЗЕЛС ќе се ангажира преку меѓуопштинската соработка на помалите општини да се примат потребните луѓе и да се надмине проблемот- рече претседателот на ЗЕЛС, Коце Трјановски.

 Заедницата на локалните самоуправи има намера да отвори канцеларија во Брисел. Целта е навремено да дејствува во однос на проектите и сретствата кои се наменети за нашиот регион, а истовремено и да се промовира локалната демократија на земјата.

ЗЕЛС е организација на локалните самоуправи и тоа ќе значи промовирање на децентрализацијата, на локалните и регионалните карактеристики во Брисел, ЕУ и НАТО. Оваа е позитивен чекор, бидејќи водењето на политиката на ниво на Советот на министри и со другите земји кои претендираат да бидат асоцијативни членки- рече потпретседателот на ЗЕЛС, градоначалникот Зоран Дамјановски.

 Седница на Управен одбор на ЗЕЛС за првпат се одржува надвор од Скопје,а  присуствуваа 12 градоначалници. Македонија е поделена во 8 плански региони и овој начин на посети треба да придонесе подобро да се запознаат состојбите во регионите.