Зачленете се во нашиот клуб на читатели и најновите текстови ќе ги добивате на вашата мејл адреса
Во наредните три дена ќе трае уписот на студентите на Тетовскиот универзитет за дисперзираните студии на албански јазик во Куманово. На факултетот во првиот уписен рок се запишале неколку студенти Македонци, кои предавањата ќе ги слушаат на албански јазик, а ќе полагаат на македонски.
Според информациите од деканот Метуш Сулејмани, слободни места има само на студиите кои сакаат да студираат бизнис администрација.
На факултетот има место за околу 100 студенти по бизнис администрација, кои сами ќе си го финансираат школувањето. Тие плаќаат по 200 евра од семестар. Додека сите места за студиите по јавна администрација се пополнети во првиот уписен рок - вели Сулејмани.
Во првиот уписен рок во државна квота се примени 200 студенти по бизнис и 20 за јавна администрација. На факултетот конкурирале и се запишале неколку студенти Македонци, кои предавањата ќе ги слушаат на албански јазик, а ќе полагаат на македонски.