Зачленете се во нашиот клуб на читатели и најновите текстови ќе ги добивате на вашата мејл адреса
Сообраќајот на сите магистрални и регионални патни правци низ државата се одвива отежнато поради врнежи од снег и со остатоци од снег на коловозите. Од 09.45 часот на планинскиот превој Стража воведена е забрана за движење на тешките товарни возила.
Поотежнато движење поради поголеми остатоци од снег на коловозот има на планинските превои Плетвар, Буково, Ѓавато и Пресека.
На овие превои за товарните возила задолжителна е употреба на зимската опрема. На возачите им препорачуваме внимателно возење и прилагодување на брзината на движење на ваквите отежнати услови.
Од АМСМ препорачуваат внимателно возење низ клисурите и засеците на можната појава на поситни одрони, особено на патниот правец Маврово - Дебар, каде појавата на одрони и лизгање на земјиште е почеста.
Интензитетот на сообраќај е умерен надвор од градските средини.
Потсетување на возачите за задолжително поседување на зимска опрема во возилата се до 15 Март.