Зачленете се во нашиот клуб на читатели и најновите текстови ќе ги добивате на вашата мејл адреса
Одделението за превенција при СВР Куманово во соработка со мисијата на ОБСЕ и невладината организација „Цивил„ по повод глобалната акциона недела против оруженото насилство, организираше состанок на кој се разговараше за подигање на свеста и едукација за ризиците од оружјето.
На состанокот се поканети сите професори по ликовно воспитание во општината Куманово,Липково и Старо Нагоричане, бидејќи организираме натпревар во цртање на учениците од 5-8 одделение низ целата држава кој ќе трае цел месец. Учениците ќе цртаат на следниве теми: Подалеку од оружјето! Тоа е опасно,Како јас гледам на оруженото насилство, Ако забележам оружје јас се јавувам во полиција и Сакам да видам свет без оружје. При сликање можат да ги користат сите ликовни техники, а употребата на материјалите е неогричена -рече Виолета Богдановска, началник на Одделението за превенција при МВР.
Најдобрите цртежи ќе бидат наградени со 200 евра, 150 евра и 100 евра во денарска противвредност. Со цел да се награди трудот на што е можно поголм број на ученици предвидено е во секој регион првите 10 цртежи да добијат награда од 25 евра и маичка.Од останатите цртежи што ќе бидат одберени на ниво на Македонија од страна на невладината организација ќе се искористат за календари за наредната година,за плакати и друг рекламен материјал.
Зачленете се во нашиот клуб на читатели и најновите текстови ќе ги добивате на вашата мејл адреса
