Зачленете се во нашиот клуб на читатели и најновите текстови ќе ги добивате на вашата мејл адреса
Социјалистичката партија на Македонија денеска организираше прослава по повод Денот на востанието на македонскиот народ во Куманово.
На присутните им се обрати потпретседателот на партијата, Јован Лазарев, кој истакна дека се собрале во градот првоборец за да им одадат почит на сите знаени и незнаени јунаци од Куманово и целата наша земја, кои се бореле и ги положиле своите животи во борбата против фашизмот.
Со почетокот на вооруженото востание се трасира победоносниот пат за ослободување од фашистичките окупатори и го најави создавањето на современа и независна македонска држава. Со асномските одлуки донесени во манастирот Прохор Пчински во 1944 година, македонскиот народ заедно со другите народ од Република Македонија ги оствари повеќевековните идеали за создавање на македонската држава. 11 Октомври беше и ќе остане во нашето трајно паметење за тоа како треба да се бориме и да ја чуваме нашата татковина, да не потклекнуваме пред било какви притисоци и закани. Но, за жал сите не мислат така. Партиите кои денес се на власт го сменија нашето име за кое се бореа и гинеа генерации пред нас,- рече Лазарев.
Тој додаде дека соседите излегуваат со нови уцени и ултиматуми кон Македонија, но историјата не се менува со политички притисоци и уцени, туку треба да биде проучувана од страна на историчарите. Но, верува дека макдонскиот народ ќе истрае и ќе ги совлада сите искушенија во кои ќе биде исправен во иднината.