Зачленете се во нашиот клуб на читатели и најновите текстови ќе ги добивате на вашата мејл адреса
Општинската организација на Социјалистичката партија на Македонија го смета за паганско прославувањето на Бадник на Градскиот плоштад во Куманово, организирано од СДСМ.
Наместо скромно, христијански во семејна атмосфера, предевечерието на раѓањето на Божјиот син се претвора во пијанчење и пагански ритуали кои никаде не се споменуваат во православното учење. Да биде трагедијата и парадоксот поголем, ваквиот начин на чествување го организира СДСМ, партијата која беше предводник и иницијатор на забраната за воведување на веронаука во училиштата - се вели во соопштението на СПМ.
Тие го повикуваат градоначалникот во наредната година да води поголема сметка за граѓаните и повеќе време да посветува за решавање на реалните проблеми на кумановчани.
На градоначалникот Дамјановски му посакуваме година со помалку договарања на високи хонорари за естрадните уметници и лажење на јавноста за нивниот износ, лицемерни сликања со стечајците кои неговата партија ги доведе до тука и смешните оправдувања за недостигот на вода во екот на празниците - се вели во дописот на СПМ до медиумите.
Зачленете се во нашиот клуб на читатели и најновите текстови ќе ги добивате на вашата мејл адреса
