Зачленете се во нашиот клуб на читатели и најновите текстови ќе ги добивате на вашата мејл адреса
Српската странка на Македонија (ССМ) го подржува договорот за името што го потпишаa премиерите на Македонија и Грција.
На централниот одбор на партијата, која се одржала за викенд било донесена одлука да се даде целосна поддршка на премиерот Зоран Заев, бидејќи со договорот Македонија го решава деценискиот проблем.
„Ние го подржуваме овој договор, бидејќи тој е единствен излез на Република Македонија за членство во НАТО и добивање на датум за преговори во ЕУ. Тоа е максимум што можело да се постигне во преговорите меѓу Заев и Ципрас, бидејќи со него е сочуван македонскиот јазик и идентитет на Македонците. Договорот го поздравија сите европски земји, Америка, па и Русија. Ние како и останатите колациони партнери сме задоволни од договорот за решавање на проблемот со името и немаме никакви забелешки тој да се имплементира“, - изјави Мирослав Јовановиќ, претседател и пратеник на Српската странка во Македонија.
Јовановиќ додава дека партијата донела одлука на централен одбор во случај ВМРО-ДПМНЕ да бара вонредни парламентарни избори, тие се подготвени да прифатат и да ги одмерат политичките сили уште за време на одржувањето на референдумот во септември или со редовните претседателски избори на пролет.