Зачленете се во нашиот клуб на читатели и најновите текстови ќе ги добивате на вашата мејл адреса
Амбасадорот на Р.Србија Томислав Ѓурин денеска беше во прва официјална посета на Општината Куманово, каде на средба со градоначалникот Зоран Дамјановски разговараше за идната економска соработка. Ѓурин при тоа се запозна со приликите во Општината и вети поголема подршка.
Србија е најголемиот економски парнер на Македонија, а поради тоа на средбата отворивме многу теми. Си дадовме многу задачи кои се надевам дека во блиска иднина успешно ќе ги реализираме.Преку економската соработка ќе ги продлабочиме контактите, за да можеме да креираме бизниси и планови и конкретни проекти - рече градоначалникот Зоран Дамјановски.
Високиот гостин најави дека амбасадата ќе биде мост помеѓу Општината и бизнис заедницата во Србија ,за реализирање на заедничките идеи.
Куманово има геостратешка положба кој е многу важна за Србија. Тука поминува коридорот 10 кој Србија ја повржува за медитеранските држави и Блискиот Исток што е неопходен предуслов за соработка на сите нивоа. Економските врски во минатото беа многу јаки, но поради транзицијата и светската криза денеска не се многу јаки. За да ја подобриме состојбата ние со помош на Амбасадата ќе ја поврземе општината со експерти од министерство за економија кои ќе се запознаат со состојбата тука,и ќе помогнат за поврзување на соодветни партнери од Србија, кои евентуалнио имаат желба да вложат во овој регион и обратно,да се овозможи продажба на македонските производи на пазарот во Србија - вели Ѓурин.
Тој најави дека Република Србија формира ново тело- Совет за Србите во регионот, кој ќе помага со средства за реализирање на проекти од областа на културата ,образованието и јазикот.