Старо Нагоричане се претстави пред тур-операторите од Западна Србија

Во целодневна посета на Општина беа првите луѓе на туристичките организации од општините Ариље, Ивањица-Голија, Косјериќ, Пожега, Прибој, Пријепоље, Сјеница, Тара - Дрина - Бајина Башта, Ужице, Мокра гора, Златар и Златибор.

За време на посетата се разговараше за заедничко унапредување на туризмот и соработка помеѓу Општина Старо Нагоричане и сите Туристички агенции од Србија. Гостите ги посетија црквата „Св.Ѓорѓи“ во Старо Нагоричане, спомен -костурницата на Зебрњак и комплексот „Етно Село “-вели градоначалникот Миодраг Јовановиќ.

Општина Старо Нагоричане во своите приоритети го има развивањето на туризам, како еден од основните правци за Локален Економски развој на Општината. За таа цел постојано работи на промоција на својот туристички потенцијал во регионот и поширико.