Зачленете се во нашиот клуб на читатели и најновите текстови ќе ги добивате на вашата мејл адреса
Стечајците од Здруженито Унит не се задоволни од односот на полицијата за време на протестите на Собранието во Скопје. Игнорантскиот однос на службените лица допринеле еден стечаец да биде полесно повреден од возило кое се обидело да помине низ толпата, а на друг му се слошило, поради што бил пренесен во градската болница.
Претседателката Лиљана Георгиевска вели дека протестот бил уредно најавен и порачува дека протестите ќе продложи во петок, ако соберат пари за превоз.
Бевме препуштени сами да се движиме по улиците, а полицијата не реагираше на нервозните возачи.Ние нема што да изгубиме, поготвени сме да се соочиме со се што ќе ни се испречи на патот.Нашиот протест не е против ВМРО-ДПМНЕ и ние нашите права не ги бараме по партиски штабови , туку од првиот човек во Владата ,без оглед на тоа од која партија е. Му порачуваме на премиерот да седне на маса со нас и веќе еднаш да го затвори нашето прашање- изјави Георгиевска.
Стечајните работници и оние што се прогласени за технолошки вишок бараат во собраниска процедура да се врати законот со кој се предвидува решавање на нивниот статус. Тие бараат лицата што имаат повеќе од 15 години работен стаж и старост поголема од 53 години за мажи и 50 за жени да добиваат месечен надоместок од по околу 100 евра до следното вработување или пензионирање.
Зачленете се во нашиот клуб на читатели и најновите текстови ќе ги добивате на вашата мејл адреса
