Зачленете се во нашиот клуб на читатели и најновите текстови ќе ги добивате на вашата мејл адреса
Стечајните работници што вчера протестираа пред Собранието,најавија дека ќе ги радикализираат притисокот кон власта, откако премиерот Никола Груевски, вчера на пратеничко прашање одговори дека тој ги исполнил ветувањата на стечајците и нема намера повторно да се навраќа на нивното прашање.
Одговорот на премиерот нема да не поколеба, туку напротив не мотивира да ги радикализираме протестите. Независно што се годишни одмори, ние ќе пристапиме на нов вид на притисок, кој досега не сме го примениле. Стечајците во сите градови ќе протестираат пред куќите на пратениците и на нив ќе им ги однесеме неплатените сметки и тужбите што секојдневно пристигаат на наша адреса. А ако и тие не сакаат да ги земат, ќе ги собереме во вреќи и по пошта ќе му ги пратиме на премиерот да ги плати - вели претседателката Лилјана Ѓеоргиевска.