Зачленете се во нашиот клуб на читатели и најновите текстови ќе ги добивате на вашата мејл адреса
Вработените во фабриката за производство на леб и бели пецива „Жито-мел„ утринава го прекинаа производството поради неисплатените плати и придонеси во последните неколку месеци.
Работниците штрајкуваа во фабриката до 10 часот, а потоа си заминаа дома. Тие побарале вечерва да се сретнат со газдите на фирмата за да се договорат околу исплатата на долгот. Ако не најдат заедничко решение штрајкот ќе продолжи и денеска.
Житомел е една од фирмите на Бајруш Сејдиу која по неговото затварање го водат членови од потесното семејство. И мината година имаше неколкудневен штрајк заради неисплатени плати и блокирана сметка. „Жито-мел“ е најголем производител на леб во Куманово и доколку штрајкот продолжи постои опасност градот да остане без леб. И утринава во продавниците имаше недостиг на житомелски леб.