Зачленете се во нашиот клуб на читатели и најновите текстови ќе ги добивате на вашата мејл адреса
Безживотните тела на татко и син од село Опае, полицијата синоќа пронашла во автомобил, во липковското село Слупчане.
Според полицијата, синоќа во 22.40 часот полициски службеници од Полициското одделение Матејче во атар с.Слупчане, на место викано „Слупчански бунар“, пронашле патничко возило „oпел астра“ со скопски регистарски ознаки во кое билe две лица без знаци на живот.
Јавен обвинител и екипа од СВР Куманово излегле на местото и било констатирано дека непознат сторител со огнено оружје пукал во Е.С.(47) и неговиот деветгодишен син, двајцата од с.Опае. По наредба на Јавен обвинител, телата на починатите се дадени за обдукција во Институтот за судска медицина и криминалистика Скопје. Се преземаат мерки за расчистување на случајот.