Зачленете се во нашиот клуб на читатели и најновите текстови ќе ги добивате на вашата мејл адреса
Три лица се повредени, од кои две потешко, во сообраќајна несреќа на локалниот пат Војник- Клечовце.
Сообраќајката се случила завчера во 19:45 часот, помеѓу патничко моторно возило „Форд Фокус“ управувано од М.Б.(24) од Куманово и патничко моторно возило „Митсубуши“ со кумановски регистарски ознаки управувано од Ј.Т.(52) од Кратово.
Во незгодата со тешки телесни повреди се здобиле сопатниците од возилото “Митсубуши“ А.Т.(38) и сопатник на возраст од 11 години, а друг сопатник на 12 годишна возраст се здобил со телесни повреди. Со возило на Итна медицинска помош лицата биле пренесени во Клиничката болница Куманово за укажување на лекарска помош, а двете лица со здобиени тешки телесни повреди биле препратени во Комплексот клиники “Мајка Тереза“ во Скопје.
Увид на местото на настанот извршила увидна екипа од СВР-Куманово и се работи на целосно расчистување на случајот.