Зачленете се во нашиот клуб на читатели и најновите текстови ќе ги добивате на вашата мејл адреса
Три лица го загубиле животот во страотна сообраќајна несреќа што околу пладне се случила на железничкиот премин во селото Романовце, во близина на игралиштето.
Според неофицијални информации, до несреќата дошло кога голф со скопски таблички ја преминувал железничката пруга и во него удрил воз. Сопружници и дете од Арачиново го загубиле животот, а четвриот патник успeал да скокне од автомобилот.
МВР потврди дека несреќата се случила во 11.45 часот, на м.в. „Превој“, на обележан железнички патнички премин, кога товарен воз на Македонски железници удрил во патничко моторно возило голф со скопски регистерски таблички, управуван од Н.Б, а возилото сопатници биле С.Б., З.Б.и И.Б. сите од Арачиново.
Во несреќата загинале возачот и двете сопатнички, додека четвртиот сопатник И.Б. пред ударот успејал да скокне од возилото, и поминал без повреди.
На лице место излегла екипа на ОЈО и полицијата, и увидот е во тек. По наредба на обвинителот, телата ќе бидат предадени на семејството.
По несреќата железничкиот сообраќај кон Република Србија е во прекин.
Увид на местото на настанот врши полицијата.
Зачленете се во нашиот клуб на читатели и најновите текстови ќе ги добивате на вашата мејл адреса
