Зачленете се во нашиот клуб на читатели и најновите текстови ќе ги добивате на вашата мејл адреса
МВР во текот на ноќта спроведе акција во која уапси седум лица, кои се осомничени дека како странски терористички борци активно учествувале во војните во Сирија и Ирак.
Претходно, за седумте лица била распишана и потерница, а се гонат за „учество во странска војска, полиција, паравоени или параполициски формации“.
Станува збор за С.Р.(28), Џ.А.(25), Б.Ф.(24), О.Ж.(31), Е.О.(24), И.Ш.(41), А.М. (23).
Нивните предмети ќе влезат во рамки на полициската акција „Ќелија 1“, која МВР ја започна пред три години, и „Ќелија 2“ од пред две години.
Апсењата се направени во соработка со партнерите од Глобалната коалиција за борба против тероризмот и Сириските Демократски Сили, велат од МВР.