Зачленете се во нашиот клуб на читатели и најновите текстови ќе ги добивате на вашата мејл адреса
Општинскиот совет за безбедност на сообраќајот на патиштата и Oдделението за превенција во СВР Куманово по повод 22 Септември - Меѓународниот ден без автомобили, денеска подели сообраќајни табли и знаци за основните и средните училишта во градот.
Целта на овој проект е да се подигне свеста за сообраќајната култура и познавањето на сообраќајните знаци, правила и прописи за заштита на најмладите учесници во сообраќајот, а тоа се учениците- рече Виолета Богдановска, началничка во Секторот за превенција.
Проектот е реализиран преку општинскиот совет за безбедност на сообраќајот и патиштата во Општините Куманово,Липково и Старо Нагоричане.
По повод одбележувањето на Денот без автомобили, Богдановска ги повика сите учесници во сообраќајот да го користат велосипедот како превозно средство, наместо автомобилите кои ја загадуваат околината и воздухот, а истовремeно создаваат метеж и ја загрозуваат безбедноста на учесниците во сообраќајот.