УЈП воведе електорнски увид во даночната картица

 Како што информират од УЈП, оваа услуга е достапна за сите правни субјекти и вршители на дејност кои се корисници на електронските услуги на УЈП и се регистрирани да ја користат услугата електронско поднесување даночна пријава.

Од 60-те илјади за кои е достапна оваа услуга заклучно со 31 август ја користат близу 5.000 правни лица, а се работи оваа услуга да ја прифатат што поголем број даночни обврзници.

Електронските услуги УЈП ги воведе во 2006 година, а годинава и за краток период имаат добар напредок. Во првие осум месеци има нови 3.429 корисници на електронските услуги,а предности на новата услуга ги посочи едноставното користење, како и 24-часовната достапност седум дена во неделата-соопштуваат од УЈП. Покрај за фирмите,се работи на проект и физичките лица да можат да поднесуваат електронски даночни пријави. Проектот треба да се реализира во 2011 година, а услугата би била достапна шест месеци по потпишување на договорот. Нивна крајна цел е користењето на електронските услуги да стане и законска обврска, како што е во некои европски земји.

Покрај електронскиот увид во даночната картица и поднесувањето на даночната пријава по електронски пат, Управата за јавни приходи овозможи и електронско поднесување на пресметката за бруто плата.