Зачленете се во нашиот клуб на читатели и најновите текстови ќе ги добивате на вашата мејл адреса
Секторот за внатрешни работи ги информира граѓаните дека утре Управните служби ќе работат од 08.30 до 16.30 часот на издавање на готови лични документи. Пасоши, лични карти, сообраќајни дозволи, грашаните ќе можат да ги подигнат на шалтерите на службите.
Со интензивираната динамика на работење во изминатиот период окончува проектот на Управните служби за поместување, односно презакажување нови термини за поднесување апликации за новите патни исправи за граѓаните што претходно имале закажани термини во периодот од март до крајот на декември 2011 година.
Во рамките на посочениот проект, досега се обработени над 52.000, од кои околу 40.000 граѓани веќе добиле нови термини и аплицирале за новите патни исправи. Останатиот број, пак, нешто над 10.000 граѓански барања, остануваат со старите термини, и тоа поголемиот дел поради желбата на самите апликанти да им остане веќе добиениот термин, дел поради погрешни податоци во апликациите (погрешни или непостоечки телефонски броеви), дел од други причини.
Зачленете се во нашиот клуб на читатели и најновите текстови ќе ги добивате на вашата мејл адреса
