Зачленете се во нашиот клуб на читатели и најновите текстови ќе ги добивате на вашата мејл адреса
По објавувањето на текстот во „ВАШИ ПИСМА: Доброволна екскурзија под притисок„, во нашата редакција стигна реакција на советите на родители од четвртите одделенија во ОУ „Кочо Рацин„ во кои се вели дека изнесените обвинувања се тенденциозни,а директорот и училиштето се непотребно вмешани во целата работа.
По одржаните вонредни родителски состаноци на 14 септември на кои се расправаше за екскурзијата во четврто одделение во ОУ „Кочо Рацин„ беше заклучено дека во ниту еден момент за време на наставата не им било кажано на учениците, ниту пак на родителите дека планираната екскурзија е ЗАДОЛЖИТЕЛНА за сите деца. Истовремено 90 проценти од родителите гарантираат и своеволно дадоа и потпишаа изјави за согласност екскурзијата да се реализира во планираниот термин. Родителите истовремено се револтирани од ваквите невкусни реакции и етикети за оваа училиште. Во иднина се молат родителите да се изјаснат јавно за своето незадоволство, за да не се сомневаме дека писмото е хир на некоја туристичка агенција, која сака да го превземе местото на „Дема-Турс„, која има остварено долгогодишна успешна соработка со матичното училиште.
Совет на родители
IV-1, IV-2, IV-3, IV-4
одделение „ОУ Кочо Рацин„