Зачленете се во нашиот клуб на читатели и најновите текстови ќе ги добивате на вашата мејл адреса
Зоран Ристовски од велосипедскиот клуб Вело-М, ќе учествува на Светското првенство во друмски велосипедизам, кое викендов ќе се одржи во Варезе, Италија.
Ристовски ќе се натпреварува во силна конкуренција од 420 велосипедисти од целиот свет, а силите ќе ги одмерат на стаза долга 130 километри. Трката ке се вози во недела.
- Како личен тренер на Зоран очекувам врвен пласман во првите 10 позиции. Ристовски покажа извонредни резултати на тренинзите и претходните трки така што очекуваме и во Италија да го држат "добри нозе", - вели Марјан Петковски, спортски директор во Вело-М.
Ристовски годинава веќе настапи на 2 вакви големи манифестации од која една беше Европско Првенство во планински велосипедизам каде го освои 9. место.
На претходното Европско првенство во 2014 година, Ристовски се избори за 6. место и доби класификација од АМС "Спортист од светска класа".