Зачленете се во нашиот клуб на читатели и најновите текстови ќе ги добивате на вашата мејл адреса
Во Куманово вечерва започнува презентацијата на видео арт дела од Интернационалниот видео фестивал Видеохолика.
Првата вечер ќе се одржи на Градскиот плоштад со почеток во 21.30 часот, а утре во кафе-барот Цариград со почеток во 19.30 часот, претставниците од здружението Видеохолика ќе одржи презентација и ќе биде отворена дискусија за видо арт како и прашања поврзани со овој медиум и современата уметност воопшто.
Фестивалот го организира Здружението за култура и уметност „КРАН„ од Куманово и здружението „Видеохолика„ од Бугарија, во соработка со Општината Куманово.
Здруженијата за култура и уметност „Кран„ и „Видеохолика„ работат на подигање на културната свест и креирање на динамична граѓанска средина која има критички став. Една од главните активности на организација Видеохолика е истоимениот видео фестивал, кој успешно се реализира од 2008 година и е осмислен како видео арт форум на кој се презентираат високо квалитетни видео арт дела на уметници од меѓународната ликовна сцена.