Зачленете се во нашиот клуб на читатели и најновите текстови ќе ги добивате на вашата мејл адреса
ВМРО-ДПМНЕ е безидејна во моментот и со самото нивно не излегување со конкретен став во врска со референдумското прашање покажува во каква состојба е партијата, одговори градоначалникот Максим Димитриевски на обвинувањата на ВМРО-ДПМНЕ дека кумановци нема да дозволат распродавање на националните интереси и дека на синоќешната трибина „Излези за европска Македонија“, дошла само локалната и државна администрација под партиски притисок.
Посакувам ВМРО-ДПМНЕ што побрзо да ги консолидира своите редови и реалните патриоти ќе ја препознаат тежината на ова прашање и ќе излезат и ќе дадат подршка на референдум, бидејќи сакаат просперитет на државата. Во однос на притисоците, сите граѓани кои што беа во салата се дојдени самоиницијативно, на покана на јавните гласила и медиумите. Настанот беше поддржан и од политичките субјекти предводени од СДСМ, но нивната улога е да им објаснат на граѓаните зошто го поддржуваат референдумот или спротивно на тоа. Конечната одлука ќе ја донесат кумановци и верувам дека ќе ја препознаат вистината и ќе го поддржат референдумот,- рече Димитриевски.
Градоначалникот Димитревеки, денеска на прес-конференција рече дека Куманово сака да биде составен дел на Европа и граѓаните да живеат подобро, поради што ги повика на 30 септември да дадат подршка на референдумот.