Зачленете се во нашиот клуб на читатели и најновите текстови ќе ги добивате на вашата мејл адреса
Од општинскиот комитет на ВМРО-ДПМНЕ денеска го честитаа Меѓународен ден на Ромите на сите припадници на ромската заедница во градот.
Мултиетничко општество, народи со различна традиција, историја и култура е ликот на македонската реалност. Во тој сплет на односи меѓу граѓаните на нашата држава значајно место заземаат и граѓаните од ромска националност, одликувани со лојалност и чесност спрема сопствената држава. Во рамките на Декадата на Ромите 2005-2015 година, Владата на Република Македонија, предводена од ВМРО-ДПМНЕ, со помош на невладиниот сектор, а пред се со целосна посветеност на Министерството за труд и социјална политика, изготвува и практично на терен ги реализира проектите кои се директно наменети за ромската популација. ВМРО-ДПМНЕ и понатаму ќе продолжи со своите искрени заложби и решеност за намалување на јазот меѓу ромската заедница, другите националности и мнозинското население и да промовира вистинско мултикултурно општество како битен предуслов за евроинтеграцијата на нашата држава- се вели во честитката на партијата.