Зачленете се во нашиот клуб на читатели и најновите текстови ќе ги добивате на вашата мејл адреса
Културната манифестација „Невистинско поклонение на Свети Тeодор Тирон“, вчера по десети пат се одржа во кривопаланечкото село Конопница.
Присутните ги поздрави градоначалникот на Крива Паланка Борјанчо Мицевски, кој се заблагодари на учесничките за нивниот допринос и рече дека тие се украс на оваа манифестација. Тој им посака мир и слога во семејството, разбирање и љубов, не само кон сопругот, туку и кон свекрвите, зошто тие се значаен чинител, како во семејството, така и во бракот како институција.
Ви посакува мир и долги брачни води, а пред се здраво и долговечно поколение, рече градоначалникот Мицевски.
Оваа година за прв пат на манифестацијата учествуваа снаа и свекрва од Пијанечко- Малешевската свадба, како и пар од Босилеград Р. Србија.
Оваа несекојдневна манифестација се организира под покровителство на Општина Крива Паланка, месната заедница на Конопница, Националната установа Центар за култура и ЛУ Градски музеј, во соработка со Македонска православна црква Кумановско-Осоговска епархија.
Во изминатите десет години учествувале приближно околу сто невести, а оваа јубилејна година бележи и зголемен број на учеснички. Ова е доволен показател дека културната манифестација „Невистинско поклонение на Свети Тодор Тирон“ преминува во масовна традиција и вистински туристички бренд и значајно традиционално културно обележје на градот Крива Паланка и белег на село Конопница.