Во Куманово Пендаровски победи со 22.056 гласови, 4.481 глас повеќе од Сиљановска

Според резултатите од ДИК, Пендаровски доби 22.056 гласа или 53.55 отсто од вкупниот број гласови, наспроти Сиљановска која освои 17.575 гласа или 42.67 отсто. Неважечки се 1560 ливчиња или 3,79 отсто.

На 167 избирачки места гласале вкупно 41.190 гласачи од запишаните 92.839 граѓани кои имаат право на глас, а излезноста е 44,37 отсто.    

Во Старо Нагоричане, Сиљановска-Давкова освои 929 гласови или 52,63 отсто, а Стево Пендаровски 791 глас или 44,82 отсто. Невежечки се 45 ливчиња или 2,55 отсто. Гласале вкупно 1.765 гласачи и излезноста е 52.96 отсто. Право на глас имаат 3.333 жители, кои гласаат на 38 избирачки места.

Во Липково Стево Пендаровски освои 95,38 отсто од гласовите или 6.543 гласа, додека Гордана Сиљановска Давкова 0,64 или 44 гласа. Неважечки се 273 ливчиња или 3.98 отсто.

 Излезноста во Липково е 27.01 отсто или 6.860 гласачи, а  право на глас имаат 25.363 граѓани.