Зачленете се во нашиот клуб на читатели и најновите текстови ќе ги добивате на вашата мејл адреса
Двајца француски државјани, волонтери на Центарот за интеркултурен дијалог од Куманово, вчера заталкале и се изгубиле на падините на Попова Шапка.
Околу 15.00 часот случајот бил пријавен во Секторот за внатрешни работи Тетово, откако волонтери се јавиле и рекле дека единствено што знаат дека се наоѓаат покрај некоја карпа.
Полициски службеници од Полициското одделение Попова Шапка и претставници на Горскo-спасителната служба веднаш започнале со координирани активности за нивно лоцирање, пронаоѓање и извлекување од силното снежно невреме.
Околу 17.50 часот тие биле пронајдени живи, но премрзнати. Со ратрак се спуштени во Полициското одделение Попова Шапка.