За една недела 12 заболени од грип во Куманово

Од вкупно 29 во целата држава, 12 пациенти со симптоми на грип се јавиле во кумановските амбуланти.

Во оваа недела, пријавени се заболени лица од 9 извештајни единици. Најголем број на заболени се регистрирани во ЦЈЗ Куманово – 12 заболени лица, - соопштуваат надлежните.

Во досегашниот тек од сезоната, поголем број на заболени се регистрирани, освен во Куманово, и во Гостивар и Тетово.

Најдобра превенција од грипот е вакцинацијата, но вакцини во Македонија сè уште нема. Процедурата е заглавена во тендерска процедура, а вакцинацијата е одложена за еден месец. Наместо на 15 октомври, според прогнозите на надлежните, граѓаните од грип ќе може да се вакцинираат после 15 ноември.