Зачленете се во нашиот клуб на читатели и најновите текстови ќе ги добивате на вашата мејл адреса
Емил Димитриев (31) помошник министер во Министерството за одбрана и уште две лица утринава биле повредени во сообраќајна несреќа што се случила на магистралниот пат Куманово-Крива Паланка на м.в. „Чатал„ кај селото Страцин.
Повредените биле пренесени во кратовската болница, а потоа префрлен во Воената болница во Скопје каде се наоѓаат вон животна опасност. Министерот се здобил со потрес на мозок и набиеници на градите поради што е задржан на лекување, а таткото и ќерката се пуштени дома.
Според СВР Куманово сообраќајката се случила во 8.15 часот на раскрсницата кон Кратово.Високиот функционер кој управувал со службеното возило џип „сузуки витара„ се движел од Кратово кон Куманово,а автомобилот „шкода фабија„ која ја возел Јонче Маленко (53) од Скопје и неговата ќерка Марина (23) се движеле по магистралниот пат кон Крива Паланка. На самата раскрсницата дошло до судир на возилата при што возачите и патничката се здобиле со телесни повреди. Увид на лице место извршиле полициско судски екипи од Кратово, кои работат на утврдување на причините на несреќата и кој не ги почитувал сообраќајните правила. Се претпоставува дека министерот, кој е од Пробиштип утрината патувал на работа во Скопје.
Пред неколку дена исто така во сообраќајка беше повреден министерот за здравство Бујар османи.