Зачленете се во нашиот клуб на читатели и најновите текстови ќе ги добивате на вашата мејл адреса
Општинската организација на Црвен крст Куманово, од вчера и официјално се вклучи во кампањата под мотото "Твоето незнаење чини живот", која има за цел да им помогне не граѓаните, правилно да укажат прва помош во случај на несреќа.
Кампањата ќе трае до 15 септември, а ќе се одржат бесплатни курсеви за возачите во 33 општински огранизации на Црвениот крст, меѓу кои и во Куманово и ќе бидат опфатени околу 8.000 возачи.
„По направените анализи заклучивме дека во голем број случаи граѓаните, а пред се возачите, не знаат правилно да укажат прва помош во случај на сообраќајна несреќа. Целта на кампањата е подигање на свеста за значењето од правилно укажување на првата помош со што би се спречиле поголеми здравствени последици, но и жртви од сообраќајни несреќи “, - соопштуваат од Црвен крст Куманово.
Црвен крст Куманово ги поканува заинтересираните возачи за обуката, да се обратат во просториите на Општинската организација на Црвен крст Куманово.