Завршена педолошката анализа на земјиштето во Старо Нагоричане

Презентацијата  ја одржа проф-др. Јосиф Митричевски, кој ги изнесе  согледувањата за целокупните испитувања на ниво на Општината и препорача мерки за натамошната обработка на земјиштето.

Резултатите покажаа дека земјиштето во Општината не е насекаде со подеднаков квалитет. Во зависност од структурата на почвата, беа дадени насоки на зeмјоделците како понатаму да ја обработуваат, прихрануваат и што да  садат - вели градоначалникот Миодраг Јовановиќ.

Презентацијата предизвика голем интерс кај  жителите, особено што од новите сознанија ќе зависат и понатамошните активности на земјиштето. Професорот Митречевски им вети на жителите дека во понатамошниот период Факултетот секогаш е отворен за соработка со Општината Старо Нагоричане.

Со Факултетот за земјоделство ќе се реализира и проектот за изградба на ботаничка градина во селото Стрновац. Термалните води и местоположбата покрај реката Пчиња се само дел од причините поради кои е одлучено градината да се гради на подрачјето на општината Старо Нагоричане.