Заврши кампањата „Доста!Надмини ги предрасудите, запознај ги Ромите“

 Кампањата  започна пред една година и има за цел да ги едуцира учениците во основните и средни училишта за надминување на стереотипите, предрасудите и дискриминацијата.

- Кампањата Доста ги даде резултатите коишто ги очекувавме.Тоа го покажуваат и изложените слики кои многу повеќе зборуваат од тоа што некој може да го каже. Доста е од поделби, предрасуди, омраза.  Доста е за оние кои ги прекршуваат правата на децата. Да и дадеме шанса на љубовта, на разбирањето и на подобра иднина на сите нас. Горд сум што Националниот ромски центар заедно со вас успеа достоинствено и позитивно да го продолжи патот и да ја оправда довербата што ја доби од Советот на Европа за спроведување на кампањата, - рече во своето обраќање директорот Ашмет Елезовски.

На завршната манифестација беше прикажан документарен филм, а беа доделени сертификати за учениците од сите основни и средни училишта, кои беа вклучени во кампањата преку ликовната уметност да го искажат своето мислење за борба против дискриминација  и нетолеранција.

Работилници се релизираат во повеќе европски градови, со цел да се испрати порака за намалување на погледите на нетолеранција, дискриминација и расизмот кон Ромите.

„Ромска Гордост“ е кампања преку која се манифестира еднаквост и достоинство во повеќе земји во Европа, со цел да се поттикнат младите да се борат за својата иднина и да го искористат правота на добро образование, кое ќе им овозможи да го најдат својот пат, да го обликуваат сопствениот живот, без ограничувања наметнати од расизмот.