Зачленете се во нашиот клуб на читатели и најновите текстови ќе ги добивате на вашата мејл адреса
Во продавниците повторно нема житомелскиот леб. Во фабриката неколку месеци нема струја, а од вчера им е исклучена и водата.
Житомел должи пола милион денари долг за потрошена вода на ЈП „Водовод„. По повеќе опомени на фабриката приморани сме да го прекинеме дотурот на вода- велат од претпријатието.
Извори од фабриката велат дека вчера биле произведени само 2 илјада парчиња леб, додека денеска целосно е запрено производството, поради необезбедени основни услови за работа. Вработените се незадоволни од актуелната состојба во која се наоѓаат и поради тоа што немаат земено плата од февруари. Повторно најавуваат дека ќе штрајкуваат и ќе се борат за своите права.
Пекарницата е во сопственост на Бајруш Сејудиу, и по неговото апсење ја раководеа членови од неговото семејство. Од неодамна производство и дистрибуција на леб врши фирма од Струмица, поради што вработените повеќе пати штрајкуваа и бараа да се преиспита начинот на кој е променет сопственикот.
Зачленете се во нашиот клуб на читатели и најновите текстови ќе ги добивате на вашата мејл адреса
