×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Златибор идеално место за зимски туризам

    05.12.2017 08:30 | KumanovoNews

     Туристичката организација Златибор ја претстави овогодишната зимска понуда во Македонија. Минатата недела во Амбасадата на Република Србија во Скопје, пред новинарите и туристичките работници, се одржа презентацијата на туристичкиот потенцијал на Златибор, на која домаќините покажаа уште еднаш дека имаат капацитет и знаење да ги привлечат туристи од целиот регион.

    Златибор идеално место за зимски туризам

    „Ова е навистина еден пријатен настан и се надевам дека посетителите ќа ја задоволат својата љубопитност. Оние што веќе биле на Златибор ќе видат што е ново, а оние што планираат да заминат ќе ги видат природните убавини и пекрасните пејсажи. Не попусто Златибор е кралица на туризмот во Србија“,- рече во свеото обраќање амбасадорката на Република Србија во Македонија, Душанка Дивјак Томиќ.

    Првата официјална промоција на Златибор пред македонските туристи беше во 2010 година кога е потпишан и меморандумот за соработка помеѓу Македонија и Србија, а оваа година се организираше промоција и во Охрид.

    Потпретседателот на Општина Чаетина, Арсен Ѓуриќ се заблагодари на подршката и истакна дека на Златибор, како најголем туристички центар во Србија, бројот на гостите постојано расте, а голем дел од нив се и од јужниот сосед.

    Тој го истакна и традиционалното златиборско гостопримство како предност  Златибор да биде дестинација за одмор на голем број македонски гости.

    „Секоја година ги потсетуваме нашите гости во Македонија за постоечкиот туристички потенцијал, но и за новите содржини. Најзначаен проект кој е во фаза на реализација се панорамските гондоли од центарот на Златибор до ски центарот Торник. Во тек е и изградбата на Културен центар Златибор, велосипедска и пешачка патека, 4 нови хотели кои ќе бидат категоризирани со 4 и 5 звездички. Тоа ни покажува дека сме на вистинкиот пат бидејќи со зголемувањето на гостите се зголемува и квалитетот на сместувачките капацитети“, - рече Ѓуриќ.

    На Златибор во моментот има од 25-30.000 легла во хотелите од висока категорија, вилите, приватните сместувања и апартманите.

    Домаќините го препорачуваат Златибор за зимски планински туризам, бидејќи на 9 километри од центарот е скијашкиот центар и жичарницата Торник. Ски лифтот функционира и во летниот период, а се користи за панорамско разгледување на Златибор.

    Туристичката организација Златибор и општината Чаетина, водат сметка и за културните содржини, па организираат голем број на концерти на отворено за посетителите. На Кралскиот плоштад во самиот центар на градот, покрај езерото, и годинава ќе се организира пречек на Нова година со познати музички групи и пејачи, а прославата ќе започне од 29 декември.

    Туристите задолжително треба да ги посетат прочуените: Музеј на отворено Сирогојно, Стопиќа пештера, Водопадите во Гостиље, Шаргански осмици, Етно село Дрвенград на режисерот Емир Кустурица, Андриќ град, голем број на манастири и други места. За сите овие туристички атракции домаќините организираат еднодневни екскурзии и посети.

    Поради зголемената посетеност на македонските туристи, домаќините за своите редовни гости овозможуваат специјална понуда и попусти.

    Златибор се наоѓа во Западна Србија и од Куманово е оддалечен околу 350 километри. Просечната надморска височина на Златибор е 1.000 метри, а највисокиот врв Торник се наоѓа на 1.496 метри.