Зачленете се во нашиот клуб на читатели и најновите текстови ќе ги добивате на вашата мејл адреса
Српската музичка легенда на староградската песна и тамбурашката музика, Звонко Богдан, вечерва ќе пее на Градскиот плоштад во Куманово. Концертот се организира по повод прослава на 11 Ноември - Денот на ослободување на Куманово.
- Оваа година за прв пат ќе имаме две вечери концерти на отворено. Првата вечер е настапот на Звонко Богдан, а утре во предвчерјето на празникот ќе пее познатата босанска група Хари Мата Хари. Двете вечери ќе имаме одлични гости со богат репертоар, а концертите ќе траат по 2,5 часа, - вели Нино Величковски, директор на Фондацијата за култура и спорт.
Како предгрупи првата вечер се Сандра Милковска и Кумановски тамбураши, а утревечер Мартија Станојковиќ, Аулона Aјруалу и Бесим Мифтари, Марио Арангеловски, Мартинијан Кириловски и Ивона Јовановиќ.
Концертот е закажан во 20.30 часот.
(фото.новости.рс)