Зачленете се во нашиот клуб на читатели и најновите текстови ќе ги добивате на вашата мејл адреса
Големата македонска и балканска музичка ѕвезда Тоше Проески, на денешен ден во 2007 година, загина во сообраќајна несреќа во Хрватска.
Дванаесет години по неговата трагична смрт, публиката се` уште ги слуша неговите песни и се потсетува најпрво на него како личност, а топла и на неговото маестрално музичко дело.
Тоше првпат има настапувано на 11 годишна возраст на фестивалот „Златно славејче“. Во многу краток период неговата слава почнува да оди по нагорна линија и тој ќе настапи на многу фестивали и во нашата земја но и надвор од неа.
Во текот на својата кариера има издадено околу десетина албуми и има голем број на оддржани концерти. Ја претставуваше Македонија на Евровизискиот избор во Турција во 2004-та година со песната „Ангел си ти“.
Добитник е на хуманитарната награда „Мајка Тереза“ , а беше именуван и за регионален амбасадор за добра волја на УНИЦЕФ. Она што овој пејач го остави зад себе не само со неговата музика туку и со неговата добрина и хуманост ќе остане засекогаш во сеќавање на македонскиот народ.