Зачленете се во нашиот клуб на читатели и најновите текстови ќе ги добивате на вашата мејл адреса
Данкан Лоренс од Холандија и песната „Аркада“ победи на годинешнава Евровизија, која се одржа во Тел Авив, Израел. Тамара Тодевска освои 8 место и го постигна највисокиот пласман на Северна Македонија досега, со песната „Горда“.
Според гласањето на професионалните жирија од земјите учеснички на фестивалот Македонија доби 12 поени од Австрија, Велика Британија, Албанија, Молдавија, Србија и долго време беше на првото место на табелата. Гласањето на жирото го заврши на второ место со само 2 поена зад Шведска. На крајот, по гласовите на публиката со скромни 58 бода, заврши на осмото место.
„Горда“ е дело на Роберт Билбилов, Лазар Цветковски и Дарко Димитров, автори на музиката и аранжманот , а текстот го напишаа Коста Петров и Сања Поповска. Спотот го режираше Чедо Поповски.